ສະຫະລັດກຽມຂະຫຍາຍມາດຕະການຈຳກັດວີຊາກວມ 41 ປະເທດທົ່ວໂລກ
ອີງຕາມສຳນັກຂ່າວ ຮອຍເຕີ ລາຍງານໃນວັນທີ 16 ມີນາ 2025 ຜ່ານມານີ້ວ່າ: ລັດຖະບານຂອງທ່ານ Donald Trump ກຳລັງພິຈາລະນາ ການຂະຫຍາຍມາດຕະການຈຳກັດການເດີນທາງ ຂອງພົນລະເມືອງຈາກບັນດາ 41 ປະເທດໃນທົ່ວໂລກ, ໂດຍແບ່ງອອກເປັນ 3 ກຸ່ມຄື:
ກຸ່ມທີ 1 ທີ່ຈະຖືກລະງັບວີຊາ ມີທັງໝົດ 10 ປະເທດລວມເຖິງ: ອັບການິສສະຖານ, ອີຣ່ານ, ຊີເຣຍ, ຄິວບາ ແລະ ເກົາຫຼີເໜືອ.
ກຸ່ມທີ 2 ຈະຖືກລະງົບວີຊາບາງປະເພດ ເຊັ່ນວີຊານັກທ່ອງທ່ຽວ, ວິຊານັກສຶກສາ ແລະ ວີຊາຜູ້ອົບພະຍົບບາງສ່ວນ ແຕ່ຍັງມີຂໍ້ຍົກເວັ້ນບາງກໍລະນີ ເຊິ່ງປະກອບມີ 5 ປະເທດ ຄື: ເອທຣິເຣຍ, ເຮຕິ, ລາວ, ມຽນມາ ແລະ ຊູດານໃຕ້.
ກຸ່ມທີ 3 ຈະຖືກລະງັບການອອກວິຊາສະຫະລັດບາງສ່ວນ ຫາກລັດຖະບານຂອງປະເທດເຫຼົ່ານັ້ນ ບໍ່ດຳເນີນການແກ້ໄຂຂໍ້ບົກຜ່ອງພາຍໃນ 60 ວັນ ເຊິ່ງປະກອບມີ 26 ປະເທດ ລວມມີ: ເບລາຣຸດ, ປາກີສະຖານ ແລະ ເຕີກເມນີສະຖານ.
ເຊິ່ງທ່ານ Donald trump ໄດ້ໃຫ້ຄຳໝັ້ນສັນຍາວ່າຈະເພີ່ມຄວາມເຂັ້ມງວດໃນການກວດຄົນເຂົ້າເມື່ອງ. ໂດຍໃນເດືອນຕຸລາ 2023 ທີ່ຜ່ານມາ, ທ່ານ Donald trump ເຄີຍໄດ້ປະກາດແຜນການຈຳກັດ ການເດີນທາງຈາກບັນດາປະເທດທີ່ເປັນໄພຕໍ່ຄວາມໝັ້ນຄົງຂອງ ສະຫະລັດອາເມລິກາ. ໃນຂະນະນີ້, ກະຊວງການຕ່າງປະເທດຂອງສະຫະລັດ ຍັງບໍ່ມີຄວາມເຫັນຕໍ່ມາດຕະການໃນຄັ້ງນີ້.
ແຫຼ່ງຂ່າວ: ຮອຍເຕີ
